Ekainaren 11n , AZK-k komunikazioaren eta markagintzaren inguruko jardunaldi berezi baten bigarren edizioa ospatuko du. Jardunaldiak marka kontzeptua ikuspegi desberdinetatik aztertuko du, gaur egungo enpresek bizi duten erronka nagusietako bati helduz: marka ez da soilik nola ikusten den, baizik eta nola sentitzen, entzuten eta gogoratzen den.
“Logo bat izatea erraza da. Marka bat izatea, ordea, beste zerbait da.”
Ideia horretatik abiatuta, jardunaldiak hiru aditu bilduko ditu branding-aren, identitate bisualaren eta audiobranding-aren inguruan hausnartzeko.
Hiru ikuspegi, ideia bakarra
Javier Velilla-k branding-aren gaur egungo ikuspegia landuko du: gaur egun branding-a nola ulertzen den, enpresek nola lantzen duten eta zein garrantzi duen benetako balioa eraikitzeko.
Ondoren, Asier Aguayo-k tipografiaren eta identitatearen arteko lotura jorratuko du, markaren eraikuntzan formek eta diseinuak duten pisua aztertuz.
Azkenik, Oier Aranzabal-ek audiobranding-aren mundura eramango gaitu. Soinuak eta identitateak markaren pertzepzioan duten eragina aztertuko ditu.
Egitaraua
- 09:00 – 09:30 | Ongietorria eta aurkezpena
- 09:30 – 10:15 | Javier Velilla — Komuniza. Branding-a gaur egun nola ulertzen den, nola lantzen duten enpresek eta zein garrantzia duen
- 10:15 – 10:45 | Atsedenaldia eta kafea
- 10:45 – 11:30 | Asier Aguayo — Tipografia eta identitatea
- 11:30 – 12:15 | Oier Aranzabal — ULU Media. Audiobranding-a
- 12:15 – 12:30 | Itxiera
Jardunaldia AZK-n izango da eta saio gehienak euskaraz eskainiko dira.
Izena emateko:
Izen-emate formularioa
